بقلم ايمان حجازي

كلماته تلك ولم تعلق..اتجهت اليه يمني بيد مرتجفه ولسان متلعثم قائله وريني دراعك .. واتفضل هنا ..
اتجه ادهم الي الفوتي مره اخري وعزمت هي الاخري ان تتصرف علي هذا المنوال وانها ايضا لم يعد تكن له اي مشاعر ..
قامت بتطهير جرحه مره اخري ثم شرعت في خياطته الي ان انتهت منه ووجهت حديثها اليه في ثبات هكتب لك علي مضاد حيوي تاخده عشان الچرح يلم بسرعه وطبعا تتغذي كويس مع زياده نسبه البروتين في الاكل .. 

اومأ لها ادهم رأسه ايجابيا في برود وهو يأخذ روشته الدواء . ثم نظر لها نظره اخيره لم تفهمها يمني ولكنها بادلته بنظره حنونه نادمه .. ثم تركها وغادر المشفي .. تركها تبكي بشده وهي تتذكره ولم تصدق انه منذ لحظات كان بين يديها مره اخري .... بعد سبع سنوات ...
كان عبدالله يجلس بغرفه
النوم الخاص به بتلك الفيلا القديمه التي جمعت بينه وبين تلك الاميره التي سلبت عقله وقضي معها اجمل ايام حياته .. كان جالسا علي سريره وبيده اللاب توب الخاص به والذي وجده مع كل الاغراض الخاصه به وب مرام كما هي لم يتغير بها شئ .. بعد ان اتم شحنه واعاد تشغيله مره اخري ظهرت امامه صورتها .. دق قلبه سريعا واخذ يتحسس ملمسها علي الشاشه حيث كان مصممها كصوره خلفيه علي الجهاز ..ظل يتذكر ايامهم سويا واخذ يفتح جميع ملفات الصور كي يملي عينيها من جمالها مره اخري وهو لا يدري اين هي الان وماذا تفعل .. وهل حقا تشتاق اليه ام ذهب حبه هباءا معها ومحيت تلك الذكريات من ذاكرتها ولم تعد تتذكره .. اخذ يقلب جميع الصور التي جمعتهم ويتذكر مكان ومناسبه كل صوره منهم وهو يبتسم بشوق شديد .. اشتاق اليها من كل اعماق قلبه ولكنه يدرك علي انه و الرغم منه .. يظل هو من اختار الفراق ومن ابعدها عنه.. 
سمع صوت طرق علي باب الحجره التي يقطن بها .. فأعتدل في جلسته وهب واقفا بأتجاه الباب يري من تجرأ ودخل المنزل فتح الباب بقوه والذي لم يكن مغلقا بل كان مواربا قليلا فدهش من زيارته له مره اخري قائلا في تعجب وهو يري هويه القادم .. ادهم !!!!.. دخلت ازاي !! 
نظر له ادهم نظره خاليه من التعابير وردد بنبره حزينه سايب البوابه الكبيره مفتوحه وباب الفيلا مفتوح وحتي باب الاوضه ده ومستغرب اني دخلت !! .. 
ابتسم عبدالله علي الرغم منه قائلا اي ده بجد !! .. يمكن مخدتش بالي .. تعالي تعالي 
دلف ادهم الغرفه فأسرع عبدالله الي اللابتوب وهو يغلقه فبارد ادهم قائلا سيبه يا عبدالله ... انا عارف انت كنت بتتفرج علي ايه .. انا شاهدت علي كل حاجه زمان يعني مش غريب
ترك عبدالله الشاشه مفتوحه علي تلك الصوره القوتغرافيه التي تجمع بينه وبين مرام حينما كانو في شرم الشيخ .. كانت تنم عن حب جارف بينهما وسعاده بالغه تحيط بهما ..
ابتسم ادهم قائلا كانت بتحبك قوي يا عبدالله .. 
ضحك عبدالله شذرا في سخريه معاك حق .. كاانت ..
تابعه ادهم في نظره خبيثه طيب وانت اي عرفك ! .. مش يمكن تكون لسه بتحبك ومستنياك ..
نظر اليه عبدالله في خبث متبادل قصدك ايه بالظبط ! .. انت تعرف حاجه عنها.... ادهم!!!
اسرع ادهم قائلا في نفي لا طبعا مش قصدي ..انا معرفش عنها حاجه .. لكن اذا انت لسه بتحبها وعايزها ممكن تكون هي كمان عايزاك ايه عرفك ! 
تمتم عبدالله في شجن عايزاني ! .. بأماره ايه ! .. باماره ما بعدتها عني بأيدي وخذلتها وقطعت كل حاجه ممكن ترجعها ليا بأبشع الطرق.. لا طبعا بعد اخر حاجه حصلت اكيد نسيتني وعاشت حياتها 
ومين أكد لك الكلام ده !!
أطلق عبدالله تنهيده مريره حتي لو مش متأكد يا ادهم ... اخر حاجه عرفتها من حمدي الله يرحمه عنها انها بقت حاجه كبيره ومشهوره قوي ووصلت لمركز كبير وكمان قالي ان في مفاجأه هيقولهالي عنها لما يزورني المره الجايه بس هو مجاش.... تفتكروانت بقه بعد كل ده انا الشخص المناسب ليها دلوقت
وليه لا !
لأنها حاليا دكتوره عالميه مشهوره الكل عارفها وانت عارف ان اهم حاجه عندها حاليا هي سمعتها وانا اهوه زي ما انت شايف متهم ومچرم وزي ما بيقولوا رد سجون... ارتباطها بشخص زيي مش هيضيف لها حاجه

في حياتها بالعكس.. ده ممكن يهد كل اللي هي وصلتله في لحظه... زي ما هي شافتني اناني وبعدت واتخليت عنها.. مش هبقي اناني تاني وارجعلها عشان ادمرها...
عبدالله انت مش متهم ولا مچرم .. انت كنت بتدافع عن نفسك وعن بنت عمك .. قولي كده لو كانت مرام هي اللي مكانها وواحد قټلها كنت هتعمل ايه ! 
اسرع عبدالله وهو يميل اليه قائلا