رواية قاصر بقلم نورين خليل

ليلي معاها
_ لا لا لسة بدري دي لسه اربع سنين وشويه يعني لسه مش هدخلها مدرسة دلوقتي
بس اكيد لما آجي اقدملها في حضانه او حاجه هعرفك علي طول.
_تمام انا كمان هشوف كده افضل المدارس ونختار منها.
المهم اختي الدكتوره رقيه دكتورة في القانون الجنائي لو محتاجه اي مساعده هي تحت امرك .
هي شويه وجايه وحابب اعرفك عليها
_اه طبعا شرف ليا اتعرف عليها
ليلي بابا انا جعانه
طارقحاضر يا لولا
ناريمانانا كمان يا ماما جعانه
مريم طيب يا حبيبتي يلا علي البيت
ناريمان لسه لما نروح انا جعانه اوي!
طارق استني يا ناريمان احنا هنتغدي هنامدام مريم رقيه علي وصول ارجوكي اتغدي معانا!
مريملا شكرا مش هقدر احنا لازم نروح وانا مجهزه الغدا في البيت يا ناريمان يلا بينا شكرا ليك
ليليععععلشااان خخاااطرريي يا طططننط مممرريم اااانا عوزكوا مممعانننا
مريم طيب يا ليلي علشان كلمه طنط مريم الحلوه منك دي انا هتغدي معاكي في النادي
وصلت الدكتوره رقيه ..كبيرة في السنعندها تقريبا ٥٠ او ٥٥ سنه بس شيك جدا ومايبانش عليها السن خاااالص بالرغم ان ملامحها جادة
رقيه سلام عليكوا ازيك يا طارق اخيرا بقيت تقعد في النادي لا وتتغدي كمان دا انا ياما اتحايلت عليك تقعد معايا ومكنتش بترضي
ابتسم وقالاعمل ايه بقي البركه في ليلي اعرفك مدام مريم طالبه في حقوق ومامت ناريمان اعز صديقه ل ليلي
رقيه اهلا يا مريم اتشرفت بمعرفتك
مريم الشرف ليا 
طارق بصي بقي يا رقيه احنا هنعمل اتفاق 
رقيه اتفاق
طارقمدام مريم هتساعدني في حاله ليلي لان ليلي بتحبها ومتعلقه ببنتها جدا 
وانتي تساعديها في درستها في كليه الحقوق وكدا نبقي متعادلين!
رقيهاه دا انت بقي عازمني علشان مصلحتك اه ي لئيم عموما انا معنديش مشكله ايه نوع المساعده الي محتاجاه يا مريم
مريم والله انا مش عارفه اقولك ايهاصلا الاستاذ طارق والله فاجأني
وانا فعلا يسعدني اني اساعد في علاج ليلي ودا لاني فعلا بحبها وناريمان كمان بتحبها دا حتي داليا بقت عرفاها وبتضحكلها لما تلاعبها يعني ليلي غاليه عندنا كلنا 
اما موضوع دراستي فانا فعلا لسه مش عارفه هعمل فيه ايه انا حتي قدمت في جامعه الفيوم علشان اكون قريبه من مامتي لان بسيب البنات معاها يعني .
رقية طب ليه الشحططه دي ما تقدمي هنا في جامعه القاهرة
مريموالبنات هسيبهم فين
رقيه يا مريم الموضوع سهل انتي افضلك جامعه القاهره وتقدمي لناريمان في حضانة عادي وداليا هاتيها معاكي الجامعه .
مريم اجيب داليا اقعدها فين وبعدين ممنوع يبقي في اطفال تقريبا ف الجامعه .
رقيه جامعه القاهره عامله حضانه للأطفال جواها هتسبيها علي ما اتخلصي محضراتك والدادا الي هناك تبقي مرات بواب العمارة الي ساكنة فيها وهوصيها تاخد بالها من داليا 
اظن كده تمام
مريم بجد دا احلي خبر مش عارفه ااقولك ايه بجد شكرا جدا .
رقيهاحنا اخوات ي بنتي متقوليش كدا يلا بقي الاكل هيبرد
خلصت غدا وكان اليوم فعلا جميل والبنات لعبوا مع بعض واتبسطوا جدا روحت ونمت من كتر التعب مفكرتش في اي حاجه مكنتش عايزة اعكنن علي نفسي.
تاني يوم كنت نازلة وراحه بالبنات النادي قفلت الباب ونزلت ع السلم وقبل ما اوصل للباب
مريم يارا
يارامريم انا لازم اتكلم معاكي .
مريم يارا انتي رجعتي وجاية ليه ولا عايزة اي وبعدين انا كلامي مع هشام جوزي لما يرجع مش معاكي .
ولا هو رجع معاكي ومش عايز يرجع بيته
يارالا هشام لسه قدامه تلات شهور وانتي لازم تسمعيني يا مريم
مريمانا مش عايزة اسمع حاجه
ياراانتي هتسمعيني لازم تسمعيني
_طيب انا نازله دلوقتي اودي بنتي التمرين نتكلم بعدين
_انا جايه معاكي ونتكلم هناك
مبقتش عارفه اعمل اي وكنت محتارة شوية بس هسعمها مش هخسر حاجه طيب يلا بينا امسكي داليا علي ما انزل العربيه بتاعتها
ياراداليا مين 
مريم دي بنتي وبنت البيه الي سايبني وعمال يحب فيكي
يارا مريم بلاش جو التلقيح دا احنا مش عيال صغيرة وبعدين لما تسمعيني ابقي اتكلمي
مريمطيب بس يلا التاكسي مستني تحت انزلي بداليا
روحنا النادي وغيرت لناريمان ونزلت البسين وقعدنا انا ويارا
يارا ابتدت تتكلم وتشرحلي ان هي ملهاش علاقه بتصرفات هشام وان هي كانت بتصدوا لان هي مش ممكن تهد حياتي غير انها عارفه ان هشام خاېن و عاوز ياخد كل حاجه وان دي انانيه منه وانه كان لازم يتعب معايا ويساعدني علشان ننجح مع بعض
يارا انتي غلطتي واستسهلتي واتسرعتي في قرارك بس هو كمان كان شريك في قرارك دا و سبب كل الي انتي فيه دا دلوقتي اتطلقي منه وربي بناتك وعيشي عشانهم
وانا بسمع ومعلقتش بصتلها بس مش عشان مش مصدقاها عشان انا معنديش رد وهي عندها

حق
مريمهو مش السبب هو سبب من اسباب تانيه كتير انا الي غلطانة كان ممكن موافقش عليه هو مضربنيش علي ايدي هو اه سابني وانا محتاجاه بس انا غلطت كمان كان مفروض استني وادي نفسي فرصه وافكر قبل م اختار شريك حياتي
طارق وصل ومعاه ليلي الي جريت خدتني