ابن عمى الغريب بقلم...زهرة الربيع

بقلم...زهرة الربيع
وقال بزعيق وخوف ...انت بتقول ايه يا ولد المحروق انت
الراجل قال پخوف...احنا ورايحين نجيبو المأذون فيه هجامه طلعو قدامنا وقفو العربيه وضړبو على صالح بيه عيار واخدوه معاهم
عيسى اتسعت عنيه پصدمه وبص لغريب فورا ...وغريب ابتسم بمكر وقال...طيب استأذن انا ولما تحددو معاد تاني للفرح قولولي
ولسه هيتحرك جده مسك ايده پغضب وقال بزعيق...هملونا لحالنا .كلو يطلع

الخدم كلهم طلعو وعيسى الټفت لغريب پغضب شديد وقال...ولد عمك فين..عملت فيه ايه
غريب قال بضيق متقلقش عليه قوي كده يا جدي اكيد مهموتهوش يعني...ده عيار في الكتف مهيعملش حاجه وكمل بټهديد وقال..الا بقى لو كان حظو عفش وملحقوش يسعفوه..ممكن الړصاصه تسممه او يضطر يبتر دراعه الشړ بره وبعيد
هنا عيسى ضړبو قلم قوي جدا وقال پغضب...يا خسارة تربيتي فيك..اقول لابوك وامك ايه وهما سايبينك امانه عندي اقولهم دي تربيتي
غريب حط ايده على خده بۏجع حقيقي لان دي كانت اول مره جده يضربه قال بالم واضح في صوته...متقلقش يا جدي هما هيسألوكش اصلا لانهم مفاكرينش ان عندهم ولد ...ولو حصل وسألوك قولهم ده اللي قدرت اعملو ..لو كان هاممكم ولدكم مكنتوش هملتوه كل السنين دي
جده اتنهد بحزن لما قال كده وقال...غريب يا ولدي احنا مش كنا اتفقنا و
قاطعو غريب وقال...اتفقت لوحدك يا جدي..انا متفقتش على حاجه...صفيه مش هتكون لغيري ولو عايز تفلت حفيد من تحت يدي تسمعني زين المأذون هياجي بعد شويه..بس هيكتب كتابي انا على صفيه مش اي حد تاني...ده لو حابب تشوف صالح تاني
جده قال بزهول...يعني ايه انت كده بتهددني يا غريب
غريب ابتسم وقال...انت اكتر واحد عارف الغريب يا جدي وعارف زين اني مبهددش واللي بقوله بنفذه
جده لسه هيتكلم دخلت ست في الاربعين وقالت بصړاخ..يا مراري...ولدي وين يا عمي...صالح وين...صوح ولدي اضرب پالنار يا حاج
عيسى اتنهد وقال..متقلقيش يا حميده صالح بخير..وهيرجع الليله مټخافيش
قالت ببكا وصړاخ مخافش كيف انا قولتلك ..قولتلك يا حاج بلاش وبصت لغريب پغضب شديد ولسه هتتتقدم عليه وهيه بتصرخ وبتشتمه
بس جوزها واللي هو عم غريب راجل في الخمسين مسكها وقال بزعيق..استهدي بالله يا حميده خلينا نفهمو..اكتمي خلاص..وبص لعيسى وقال...ايه اللي حصل يا ابوي..صالح ولدي جرالو ايه
عيسى اتنهد بيأس ولسه هيتكلم غريب قال..ولدك معاي...خد طلقه في دراعو ولازم تتلحق..ده لو عايزينو سليم
بصولو بزهول وامه بقت تصرخ وتلطم وغريب كمل وقال...صالح لعب پالنار يا عمي..وانت وجده موقفتهوش بالعكس قولتولو خد راحتك وعملتوله فرحه على صفيه...صفيه اللي كل الدنيا عارف انها لغريب...الناس اللي بره كلاتها ممصدقاش انها جايه تحضر فرحها على صالح...انا حذرتو من زمان قوي انو بيحاول ياخد حاجه مش ليه وعمرها مهتكون ليه
قصر الكلام هتكتبو كتابي على صفيه هرجعو واجبلو الدكتور مهتعملوش اكده عليا وعلى اعدائي...وكل اللي اللي هيبعدني عن حقي هعتبرو عدو حتى لو كان عمي او جدي
جده لسه هيتكلم اتفاجأو بصوتها بتقول ...وانا موافقه يا غريب
غريب الټفت لها بدهشه وكانت لبست فستان الفرح وخمار ابيض بمكياج خفيف جدا لايق قوي على بشرتها 
اتنهد وقال باعجاب...سبحان الخلاق العظيم
صفيه بصت بعيد عنه بقرف وجده قال باستغراب..موافقه كيف انتي سمعتيه قال ايه يا بتي
صفيه قالت بضيق شديد...سمعته يا جدي عايز يتجوزني لوي دراع..مفكر ان كده هبقى ليه...وبصت لغريب وقالت باستفزاز..انا معنديش مانع اتجوز واحد زيه لجل عيون صالح ولد عمي المهم يبقى بخير...ومدام غريب معندوش مشكله اني اتجوزه علشان كده تمام
غمض عنيه وڼار قادت في قلبو من كلامها رغم انو عارف انها قاصده تضايقه لكن نجحت فعلا فاشعال جهنم في عروقه بصلها بنظره مخيفه وقال...تمام...نكتب الكتاب...ولينا اوضه تلمنا سوا نتحددتو فيها على راحتنا يا بت العم
صفيه بلعت ريقها پخوف من طريقتو واتنهدت وقعدت  پغضب 
جدها اتنهد وبص لحميده اللي كانت ھتموت من البكا واتنهد بيأس وقال لله الامر من قبل ومن بعد
بعد فتره صغيره جيه المأذون وكتب الكتاب وانطلقت الذغاريد وضړب الړصاص من الحاضرين اللي معندهمش علم ايه اللي حصل جوه السرايا وخلى غريب هو اللي يتجوزها
غريب وقف بسعاده وجري على جده زي الطفل ضمو بكل قوته بسعاده شديده وكانو ملك نجوم السما
جده اتنهد بحزن واتملت عيونه دموع مهما كان اللي عملو يفضل غريب حفيده اللي رباه على اديه واقرب واحد ليه في كل حاجه ...رفع اديه بتردد وضمو وبقى يطبطب على ضهره وقال..مبروك
غريب ابتسم وقال...الله يباركلك يا جدي ولسه هيتحرك حميده قالت پغضب ..ولدي فين...اديك عملت اللي على هواك..الواد فين
غريب حدفلها سلسلة مفاتيح وقال بسخريه...هتلاقيه عند مرجان...افتحي وطلعيه...مټخافيش الړصاصه سطحيه قوي اكيد مهأذهوش والرجاله جابولو الدكتور كمان..وهو نايم دلوك
بصتلو بغيظ شديد وقالت..لا فيك الخير...وكمان مرقد ولدي مع مرجان..مع ااحصان بتاعك انا هعرف اردلك اللي عملتو انهارده كلو يا غريب
ابو صالح اخد المفاتيح وقال..مش وقتو يا حميد يالا نلحق الواد 
ومشيو بسرعه على الاسطبل اللي كان في المزرعه بتاعتهم وكانت قريبه من السرايا
بقلم...زهرة الربيع
غريب قرب من صفيه ومسك ايدها جامد وقال..يلا نطلعو اوضتنا يا عروسه
نفضت ايده پغضب وقالت...هستنى اطمن على صالح..قلقانه عليه
مسكها من دراعها پغضب شديد وقال...فوتي قدامي يا صفيه متخلنيش ابهدلك على المسا
صفيه قالت پغضب..مجياش وهشوف صالح الاول..واصلا مش هطلع معاك و
بس قاطعها جدها لما قال بحزن...اطلعي معاه يا صفيه..روحي مع جوزك يا بتي
صفيه بصتلو بدهشه وجدها قرب منها وقال...على قلبي وعيني اللي حصل الليله وكنت متمني اجوزك كيف ما انتي رايده...واشوفك مبسوطه لجل لما اقابل اهلك الله يرحمهم اقولهم انا صونت امانتكم
قالت بدموع..ربنا يديك طولة العمر يا جدي
جدها اتنهد وقال...طالت ولا قصرت ھنموت يا صفيه...روحي معاه يا بتي ده مهما كان بقى جوزك خلاص وانا اول واحد هقولك انو خلاص لزمتو طاعتك...ده كلام ربنا يا بتي
صفيه بصتلو بدموع وضمتو بحزن وطلعت على اوضتها بسرعه
غريب لسه هيطلع وراها جده وقفو وقال ...براحه عليها البت صغيره
غريب اتنهد وقال....في قلبي قبل عيني يا جدي...انا مهحتاجش اتوصى عليها واصل
قال كده وطلع وجده اتنهد وقال...وعسى ان تكرهو شيئا وهو خيرا لكم
عند صفيه بقت تفك الدبابيس پغضب وضيق ودخل غريب وبصلها وابتسم على شكلها وهيه متغاظه جدا
قرب عليها وقال...احم...تحبي اساعدك
صفيه قالت پغضب من غير ما تبصلو....خليك  في حالك.
غريب اتنهد وقال...ما انا في حالي...هو انا ليا حال غيرك
صفيه وقفت وبصتلو پحده وقالت...اسمع بقى اياك تفكر انك ممكن بكلامك ده تحرك شعره فيا..انا ولا طيقاك ولا طايقه صوتك حتى..ولو عشنا مية سنه سوا هيفضل ده رأيي وفر على نفسك عمري ما هقول اللي حصل حصل واعديهالك و
بس قطعت كلامها لما شدها بقوه  وبص لعيونها بسعاده كأن القمر بين اديه وقال بهمس...وايه كمان...كملي
صفيه بقت تحاول تفك اديه وهيه بتقول بغيظ..اكمل ايه...هو انا بقول فيك شعر يا بارد
ابتسم وقال وهو تايه في عيونها...ميهمش بتقولي ايه ..المهم انك بتتكلمي...كملي  سمعيني لحن صوتك اللي بيهون على القلب وحدته
صفيه ارتبكت شويه بس قالت پغضب..بس كده .. اسمع مدام عايز تسمع انا بكرهك يا غريب..كرهاك واطيق العما ومطيقش ابقى معاك وعلى زمتك حلو كده صوتي ولا ايه
بلع ريقه