جميله رغم الصعوبات بقلم الكاتبه المجهوله

.. هو في حد عارف بالمكان دا.
أحمد و هو يذهب للباب_ .. دا البواب تلاقيه جاب الأكل و الذي منه 
وفتح الباب ولكنه فوجئ برجل ملثم قابله بعدة خبطات برأسه علي وجهه حتي أدماه و وقع مغشيا عليه و دخل و أغلق الباب خلفه و اتجه لحسين الذي ظل يرجع للخلف و هو يهدد_ .. انت مين لو قربت من
امسكه الملثم و ظل فيه حتي سقط مغشيا عليه ثم إتجه لفاطمة التي استعادت وعيها ولكنها ما زالت تشعر بالدوار و لا تقوي علي الحركة و كانت تشاهد ما يحدث دون أن تستطيع أن تفعل أي رد فعل اتجه إليها الملثم و حملها علي كتفه و هي تخبط بضعف علي ظهره_ .. لا سيبني متلمسنيش
ولكنه لم يعيرها أي اهتمام امسك حقيبتها الملقاه علي الأرض وخرج بها بعد مرور حوالي ساعة بدأت تستعيد وعيها فاقت لنفسها وجدت نفسها نائمة علي سريرها وبجوارها ابراهيم يمسك يدها ويبدو عليه القلق.
فاطمة_ .. أنا جيت هنا ازاي.
دخلت نيفين _ .. أخيرا فوقتي.
فاطمة_ .. هو أنا بقالي أد ايه.
نيفين_ .. حوالي ساعة.
فاطمة_ .. طب جيت هنا ازاي.
دخلت وفاء الخادمة و معها كوبا من العصير_ .. احنا كنا في المطبخ وسي ابراهيم كان نايم في اوضته سمعنا الجرس عمال يرن وخبط جامد فتح سي ابراهيم لقناكي واقفة سانده علي الباب وأول ما فتح كنتي حتقعي لولا لحقك و شلناكي دخلناكي جوه و اتصلنا بعز بيه وبعت الست نيفين و هو قال حيجيب دكتورة و ييجي بس لسه مجاش.
نزلت دموع فاطمة كالسيل اقتربت منها نيفين_ .. مالك حصل إيه.
فاطمة_ .. أنا كنت حضيع انهاردا لولا ستر ربنا.
رن جرس الباب و ذهبت وفاء لفتح الباب وجدت عز و معه الضابط و الدكتورة.
عز و هو يدخل _ .. هي عاملة إيه دلوأتي.
وفاء_ .. فاقت و الحمد لله أحسن.
الضابط_ .. نقدر نستجوبها.
عز_ .. الدكتورة تشوفها الأول.
الضابط_ .. تمام
خرجت الدكتورة_ .. هي تمام بس لسه دايخة شوية نتيجة المخدر و دي روشته بالأدوية اللزمة. عن إذنكم و انصرفت.
خبط عز علي الباب خرجت له نيفين_ .. عز استأذني من فاطمة الضابط عاوز أقوالها.
نيفين _ .. انت جايب الدكتورة و الضابط معاك
عز بنفاذ صبر_ .. لا يا ذكية هو رن عليه و أنا جاي و قلتله يقابلني عند المدخل
دخلت نيفين لفاطمة التي كانت سارحة فيما حدث لها و ذلك الملثم و من هو و أين ذهب.
نيفين_ .. ضابط من الشرطة جاي ياخد أقوالك في اللي حصل.
فاطمة_ .. تمام حطلعله.
نيفين_ .. ميجيلك هنا.
فاطمة_ .. لا طالما اقدر اطلع ميصحش يدخل أوضة نومي.
بعد وقت كانت تجلس بالأنتريه و أمامها الضابط و عزو نيفين تجلس جوارها.
الضابط_ .. عاوزك تحكي كل اللي حصل.
حكت فاطمة كل ما حدث من أول داخل الجامعة و لحسين و تهديده لها حتي ظهور الملثم.
الضابط_ .. و معرفتيش مين الملثم دا أو شفتي فيه أي علامة.
فاطمة_ .. أنا كنت يدوب بديت أفوق و دايخة و مش حاسه بأي حاجة.
الضابط_ .. احنا قبضنا علي حسين و أحمد و هما في المستشفى حاليا لان مۏت فيهم كسور كتير .
عز_ .. يستاهلو المۏت مش الكسر بس.
فاطمة_ .. هو لو مسكتم الملثم دا حتحبسوه.
الضابط_ .. لا طبعا بس غريبه حكايته شويه و عاوزين نعرف وراه إيه احسن يكون خطړ تاني عليكي.
فاطمة_ .. خطړ و هو جابني لحد هنا و خبط الباب و مشي.
الضابط_ .. عندك حق. لو ممكن تعدي علينا بكره عشان نقفل المحضر.
فاطمة_ .. مين بلغ الشرطة.
الضابط_ .. احنا جانا بلاغين باللي حصل الأول الدكتور رياض معاكي في الجامعة والتاني زميل لكي اسمه معتز ويبقي ابن عم احمد بعد وقت واحنا بنتحري الكاميرات جانا بلاغ تالت بالعنوان أستأذنكم بأه وخرج.
عاد عز بعد أن أوصل الضابط_ .. عاملة ايه دلوك.
فاطمة_ .. تمام الحمد لله.
عز_ .. أنا عينت اتنين بودي جارد ياخدو بالهم منكم و يوصلوكي كمان للجامعة و يفضلوا هناك.
فاطمة ليه كل دا.
عز _ .. و هو اللي حصل انهاردا كان شوية. انتبهت له فاطمة التي كانت تتحدث و هي سارحة ليده المربوطة_ .. هو حضرتك متعور.
عز_ .. لا دي حاجة بسيطة.
نيفين_ .. قومي ريحيلك شوية.
فاطمة_ .. أنا بقيت كويسه ثم نادت لرحمة هو ابراهيم اتغدا.
رحمة_ .. لا من ساعة ما جيتي و دخلناكي الأوضة و هو كان جنبك مسابكيش.
فاطمة_ .. طب جهزيلنا الغدا.
عز_ .. طب نستأذن احنا.
فاطمة_ .. لا و دي تيجي نتغدي سوا.
كانت سارحة و هي تقلب في الأكل امامها_ .. يا تري مين انت معقولة عز ولا معتز اكيد يعرف الشقة دي ما هو يعرفهم كويس. و لا دكتر رياض و لا ..
نيفين_ .. متاكلي يا فاطمة انسي اللي حصل و كلي و احمدي ربنا انها جات لحد كدا.
استغرب عز زوجته كأنه يراها لأول مرة.
عز_ .. كلي زين دا الوكل منيح خصوصا المحشي الله ينور عليكم يا وفاء.
وفاء التي كانت بالقرب لتنظر ان كان ينقصهم شيئ_ .. الله ينور علي ست فاطمة هي اللي صحت من الفجر و عملته و احنا بس طيبناه.
عز_ .. تسلم يدك بس كدا تعب عليكي و الجامعة و المذاكرة.
فاطمة_ .. أنا ذاكرت امبارح بالليل و بصراحة أصل المطبخ بالنسبالي هواية.
نيفين_ ..هو في حد هوايته المطبخ.
فاطمة_ .. كتير علي فكرة تعرفي أنا ممكن أبقي زهقانه ولا تعبت من المذاكرة يطلع في دماغي أدخل المطبخ اعمل أي حاجة حلويات مثلا مكرونة بالبشاميل و هكذا.
نيفين_ .. تعرفي إن عمري ما وقفت في المطبخ ربع ساعة علي بعضها.
فاطمة وهي تضع الطعام أمام ابراهيم_ .. جربي تتعلمي وتدخلي متعة تانية خالص خصوصا لما تعملي بأه أصناف تعجب اللي بيكلو.
نيفين_ .. خلاص لما تدخلي المطبخ تبعتيلي عشان اتعلم منك.
صدم عز مما تفوهت به نيفين_ .. و ما هذا التغيير الجذري و متي حدث.
في المستشفي يقف بالخارج أهل حسين وأحمد فكلاهما بالعمليات.
أبو أحمد_ .. يعني يا معتز معرفتش توقفوا عن اللي عملوا دا.
معتز باستغراب_ .. هو أنا كنت اعرف أساسا أنهم حيعملوا كدا و متنساش يا عمي إني أكتر من مرة حكيت لحضرتك عن عمايله و حضرتك و لا هنا.
ابو احمد_ .. تقوم تبلغ عنه.
معتز_ .. أنا بلغت غن اللي حصل أدامي و بعدين يا عمي احمد ربنا انهم ملحقوش يؤذوها و الا كان الموضوع حيبقي أكبر.
في بيت رياض و هو يدخل من الباب.
أم رياض_ .. كنت فين يبني كل دا و ليه قافل تليفونك قلقتنا عليك.
رياض و هو يجلس_ .. اتمشيت شوية و مختش بالي ان التليفون فصل شحن.
ثاني يوم دخلت فاطمة الجامعة جاءت إليها فاتن.
فاتن_ .. أخبارك إيه و عاملة إيه انهاردا.
فاطمة_ .. الحمد لله قدر و لطف.
فاتن_ .. احكيلي اللي حصل بالتفصيل الممل.
فاطمة _ .. لا بالله عليكي ما تفكريني أنا عاوزة انسي و انت عاوزاني أحكيلك جاءهم رياض من الخلف.
رياض_ .. حمدالله علي السلامة عامله إيه انهاردا.
فاطمة و هي تخفض رأسها خجلا_ .. الحمد لله شكرا لسؤال حضرتك.
رياض_ .. الشكر لله لو عوزتي أي حاجة تجيني في أي وقت.
نظرت له فاطمة و فاتن باستغراب.
أدرك نفسه سريعا_ .. أصل بابا وصاني عليكي
فاطمة_ .. بلغوا شكري ابتسم لها و انصرف.
فاتن بغيظ _ .. و انت تعرفي أبوه منين.
فاطمة_ .. عارفة دكتور بدر يبقي باباه.
فاتن_ .. و انت لحقتي تأثري علي الواد و أبوه.
فاطمة_ .. أصدك إيه.
فاتن_ .. ولا حاجة يالله المحاضرة.
تجاهلتها فاطمة واتجهت للمحاضرة وكانت المحاضرة الأولي لرياض الذي كان يتخطف النظرات لفاطمة وقد لاحظت ذلك فاتن لأنها متيمة به بعد المحاضرة جاءت مجموعة من الطالبات لفاطمة تسلم عليها وتحمدها السلامه لانتشار ما تعرضت له شكرتهن فاطمة وجلسن سويا يتسامرن و تهزرن.
إحدي الفتيات_ .. سوري يعني يا فاطمة هو اللي حصلك ثعب وربنا ما يعيده تاني بس واو أكيد كانت مغامرة بالنسبالك.
ضحكت فاطمة_ .. ههههه مغامرة إيه يا أختى ربنا ما يكتبها عليكي.
أخري_ .. لا بس دا و لا الأفلام سوبر مان ينقظ ست الحسن و الجمال.
فاطمة_ .. تقصدي الشاطر حسن.
مكثن يتسامرن حتي قاطعتهم فاتن التي تشتعل غيظا و

غيرة من فاطمة_ .. ألا صحيح يا فاطمة إنت عايشة ازاي مع جوزك العبيط وازاي مستحملاه ولا هو جوز و خلاص عشا تداري بيه إي علاقات خاصة.
لم تشعر بنفسها إلا وصڤعة قوية دوت علي وجنتها_ .. اخرسي أنا تحملت منك كتير وبحاول تسامحا مني أتجاهل تلقيحك الحقېر بس تغلطي في جوزي او شرفي مسمحلكيش.
فاتن بغل_ .. أنا بالقلم أنا حوريكي وانصرفت سريعا.
إحدي الفتيات_ .. غريبة كنت احسبها صاحبتك جامد لأني شفتكم بتركبوا مع بعض و انتم مروحين.
فاطمة_ .. أنا نفسي كنت فاكراها كدا.
أخري_ .. هو انت بجد متجوزة.
فاطمة_ .. ايوه غريبة دي.
أخري_ .. أسفة يعني هو جوزك بيشتغل إيه.
فاطمة و هي تكتم القهر بداخلها_ .. جوزي اتعرض لحاډثة و مريض شوي مش بيشتغل.
البنات _ .. ربنا يشفيه.
أتي عامل_ .. مين فيكم فاطمة
فاطمة_ .. أيوه أنا.
العامل_ .. العميد عاوزك في مكتبه.
البنات _ .. كلنا معاكي هي الغلطانة.
فاطمة_ .. لا حول ولا قوة إلا بالله
وانصرفت وخلفها البنات. وقفن البنات بالخارج و دخلت فاطمة وجدت فاتن جالسة و هي تبكي بكاء التماسيح .
فاطمة_ .. السلام عليكم ورحمة الله.
كان يجلس امام العميد دكتور بدر
العميد_ .. انت فعلا ضړبتي زميلتك علي وشها.
أخفضت فاطمة رأسها_ .. أيوه حصل.
العميد_ .. و دا يصح يا دكتورة
فاطمة_ .. غلطت في و فجوزي فمأدرتش استحمل.
صدم العميد و بدر_ .. انت متجوزة
فاطمة_ .. أيوه
_ .. وانت يا دكتورة احنا في جامعة و لا في الشارع عشان تغلطي في زميلتك.
فاتن_ .. أنا كنت بهزر بس هي اللي مصدات عشان بتحقد عليه.
ابتسم دكتور بدر_ .. أنا احساسي بيقول العكس.
فاتن_ .. ما هو انت لازم تقول كدا يا دكتور. هي مش بتروح لحضرتك المكتب كل شويه.
فاطمة_ .. إنت أكيد مش طبيعية.
العميد_ .. انت ازاي تتكلمي كدا اصلا انت شكلك مش محترمة .إحنا نستدعي ولي أمركم انتم الاتنين إيه الدوشة اللي بره دي. وقف دكتور بدر و فتح الباب وجد مجموعة بنات تقفن بالخارج.
بدر_ .. في إيه يا دكتورة انت و هي.
إحدي البنات_ .. ممكن ندخل لسيادة العميد سمح لهم بالدخول.
العميد_ .. في إيه و ليه عاملين الدوشة دي.
إحدي البنات _ .. احنا