رواية كاملة
المحتويات
انتي ساكنة هنا
ريما ايوة
مروان انتي اسمك ريما ايه
ريما ريما يونس مختار
مروان انتي اخت رعد الحديدي
ريما بإستغراب. انت تعرف رعد اخويا ده انا اول مرة اشوفه النهاردة
مروان انا بشتغل مع رعد بيه اصلا
ريما مش ممكن. بتشتغل معاه ايه.
مروان تقدري تقولي مدير اعماله.
ريما بفرحة. دي صدفة جميلة جدا. تعالي يالا ندخل
ودخل مروان مع ريما.
ريما ابيه. اخيرا انا بجد كان نفسي اشوفك انا حبيتك من كلام ماما عنك
رعد . حبيبتي يا ريما انا من وقت ما عرفت ان ليا اخت وانا هتجنن واشوفك. وخرجها من بهدوء. بس ايه الجمال ده. انتي نسخة من ماما وهي صغيرة.
ريما بثقة طبعا. انا مجننه المانيا كلها.
ريما انا بقول اسلم علي مراتك احسن. وراحت لهمس وسلمت عليها. واااو ايه الجمال ده. انتي حلوة اوي.
همس مين بس اللي يقول كدة. انتي اللي جميلة وزي القمر كمان
رعد هو انتي ومروان اتقابلتوا علي الباب.
مروان كان محرج. ومش عايز يقول اللي حصل
ريما مش متعودة تخبي حاجة. لا احنا اصلا جاين مع بعض. اصل اللي حصل.........
مروان متقلقش سيادتك. انا اخدت رقم العربية وهجيبه.
مشيرة خلاص يا رعد حصل خير. الحمد لله ان مروان لحقها.
رعد بغيظ. ابدا انا لازم اخليه يندم انه لمسها. مروان تعالي عايزك.
راح مروان مع رعد وعنيه كانت علي ريما اللي قلبه دق لاول مرة في حياته لما شافها. وريما كمان. كانت متبعاه بعنيها لحد لما غاب عنها وهي مسهمة وهيمانة.
ريما هههههههه. شكلك مش سهلة يا همس.
همس طيب تعالي احكيلي.
ريما قعدت جنب همس. بخجل مفيش حاجة كل الحكاية اني حاسة اني اول مرة اتشد وانجذب. لحد. مروان ليه كريزما كدة مختلفة
همس بس خالي بالك. رعد لو لمح الكلام ده. هيقتله
ريما پصدمه. ليه وفيها ايه
مشيرة قربت منهم. بناتي الحلوين بيتكلمه في ايه.
همس هههههه. تعالي يا ست الكل اقعدي.
وقضي رعد وهمس اسبوع مع عيلته الجديدة. وقربوا من بعض جدا.
وكمان مروان وريما. كان بينهم نظرات وهمسات. وكلام بيخطفوه من غير ما رعد ياخد باله. كانوا معجبين ببعض جدا.
رعد بس يا ماما انا خاېف علي همس
مشيرة خاېف عليها وهي معايا
رعد لا بس همس حامل والشهر الثامن ده متعب اوي. ممكن تتعب منك
ريما مش تخاف يا ابيه. انا وماما مش هنسيبها لوحدها ابدا.
رعد خلاص هبعت معاكم مروان
ريما بفرحة معرفتش تداريها. سقفت بإيديها. بجد هايل جدا
رعد اخد باله. وفهم لهفتها علي مروان. لا للاسف افتكرت مشوار مهم لازم اروحه مع مروان.
ريما بحزن وخيبة امل. يا خسارة
همس زغدت ريما. لا عادي يا حبيبي احنا مش هنتخطف يعني
رعد تمام خلي بالكم من نفسكم. همس تعالي يا روحي عايزك.
همس قربت من. نعم يا حبيبي
رعد ادالها الفيزا بتاعته. خدي يا حبيبتي اشتري اللي يعجبك. اي حاجة عايزاها جبيها
همس بس انا مش محتاجة حاجة
رعد لا اكيد لما تلفي معاهم هتلاقي مليون حاجة عايزة تشتريها.
همس . شكرا يا حبيبي
رعد بحب وخوف. خالي بالك من نفسك يا روحي اتفقنا
مشيرة كفاية متخفش عليها هي معايا
يالا يا
همس.
وخرجت همس وريما ومشيرة.
ووصله المول. واتفرجوا ولفوا كتير. وهما في بيتفرجوا علي فاساتين وحاجات في قسم الحوامل. همس عجبها فستان قصير ومفتوح وشكله شيك ومغري جدا. قررت تقيسه وتشتريه وتلبسه في البيت لرعد. ودخلت تقيسه
وريما ومشيرة مستنينها برا.
ريما مامي تعالي لحد لما همس تخرج نروح نشوف حاجات البيبي دي فيه حاجات حلوة اوي
مشيرة تعالي. انا عايزة اشتريله المكان كله اصلا.
وراحوا يشوفه الحاجات دي. ولما رجعوا. ملقوش همس في المكان كله . دوروا عليها في كل حته مش موجودة.
مشيرة اتصلت برعد
رعد ... ايوة يا امي عاملين ايه وهمس عاملة ايه
مشيرة بإنهيار ودموع. الحقني يا رعد همس اختفت
رعد اختفت ازاي.
الحلقة ٤٤
مشيرة بدموع. انا السبب انا السبب
متابعة القراءة
