اعادة تاهيل معقده
المحتويات
انتي طالق طالق طالق
اية طالق ! طب لية يا أيمن هو انا عملت أي حاجة زعلتك !
أيمن هز رأسه و قال لا بس أنا عاوز ولد و انتي خلفتك كلها بنات و بالمناسبة انتوا هتسيبوا البيت دا و هتروحوا تقعدوا في البيت التاني انا هتجوز في الشقة دي و خلاص فرحي آخر الشهر
كانت بتسمعه و هي مصدمة و مش عارفه تعمل اية مكنتش واخدة بالها من بنتها اللي بتسمع الكلام
أيمن بقسۏة و برضوا الجواز و الطلاق بتاع ربنا و دا آخر كلام عندي من بكره هتاخدي البنات و تقعدوا في البيت القديم الجديدة ليها الجديد و العروسة هتفعد هنا عاوز الحق أجهز الشقة لفرحي و سابها و مشي خرج من البيت كله
فتحية قعدت من صډمتها على الكنبة و هي بتقول يعني اية طلقني كل دا عشان عاوز ولد طب اية فرق البنات عن الأولاد كدا يا أيمن كدا بعد الحب دا كله تعمل فينا كدا هروح فين و اجي منين هروح فين
فتحية طلعت خسيس يا أيمن خسيس و متستاهلش دمعة من عيني
لقت ايد بتطبطب عليها لفت وشها ليها بعد ما مسحت دموعها و ابتسمت بصعوبة و قالت أي يا حبيبتي اللي قومك من السرير و انتي لسة تعبانة
متعيطيش يا ماما بابا دا وحش و أنا مبحبوش
تمارة لا مش حلو هو عاوز ولد مش بيحب البنات مش بيحبنا و أنا كمان مش راح أحبه
فتحية حضنت تمارة و هي بتقول الصبر يا صاحب الصبر بصتلها و قالت تعالي يا تمارة خدي العلاج و نامي شوية تعال يا بنتي
سمعتي اللي أنا سمعته يا أم شريف
خير كفالله الشړ يا ام عبده
أم عبده أما صحيح راجل عرة بقي يرمي جوهرة زي الست فتحية و البنات عشان يتجوز
أم شريف بيقولوا عاوز ولد
أم عبده مهو معاه حق برضوا يا أم عبده الراجل عاوز ظهر و سند لية و معلش في الكلمة يعني الست فتحية خلفتها بنات لا هو خالف الشرع ولا عمل حاجة حرام
أم شريف بس العيال برضوا دول بنات يا ام عبده
فتحية قاعدة على السفرة بتفكر تجيب الكلام إزاي ل بناتها بصت ليهم و قالت بابتسامة حزينة يلا يا بنات خلصوا أكل بسرعة عشان نلم حاجتنا
جوري لية يا ماما هنروح فين
فتحية هننقل البيت القديم يا جوري
لينا بس لية يا ماما إحنا عاوزين نقعد هنا البيت القديم وحش و فيه سقعة
جوري و لينا زعلوا على عكس تمارة اللي بصت بجمود و قالت ما تقوليلهم الحقيقة مش احسن ما يعرفوا من بره
فتحية بصت ل تمارة و قالت اية اللى إنتي بتقولية دا
تمارة خبطت على السفرة جامد و قالت بقول الحقيقة اللي انتي مش معترفة بيها يا ماما
الاستاذ أيمن خلاص طلقك و رمانا في الشارع هو عاوز ولد مبيحبش خلفت البنات بيكره البنات و كملت بغل و أنا كمان بكره و بكره كل جنس الذكر
فتحية بصرامة تمارة على اوضتك و جهزي شنطتك
تمارة دخلت اوضيتها و قفلت الباب وراها جامد خض أخواتها
جوري پصدمة هو بجد اللي تمارة قالتة دا يا ماما بابا مش بيحبنا و سابنا عشان عاوز ولد
فتحية بدموع لله الأمر من قبل و من بعد بصت ل بناتها و قالت بابا بيحبنا يا جوري و بيحب لينا كان و بيحب تمارة بس هو عاوز ولد عشان يقدر يحميكم لما تكبروا
لينا يعني لما بابا يجيب ولد هيبقي أخونا
فتحية پألم أيوة يا حبيبتي
جوري طب إحنا لية هنسيب البيت
فتحية عشان بابا يجيب أم اخوكوا هنا
و سألتهم و قامت قبل ما يسألوا أسئلة تانية دخلت الاوضة و أول ما بقت لوحدها سمحت ل نفسها بالاڼهيار
فتحية منك لله يا شيخ منك لله ااااه يا قلبي
تمارة بقت تلف في الاوضة و تقول انا تزعقيلي عشان واحد باعنا أنا عمري ما شفت منه يوم حنان علطول لو كنت ولد لو كنت ولد انا بكره مبكرهش في حياتي قده و مش هو بس انا بكره كل الرجالة كلها
تاني يوم الصبح فتحية لمت هدومها هي و البنات و ايمن جه
أيمن ببرود خلصتي
فتحية أيوة بس عاوزين عربية تنقل عفش البيت
أيمن دا اللي هو إزاي يعني لا العفش مش هيتنقل من مكانة
فتحية بصوت عالي اومال هنفعد على اية دا البيت هناك خړابة و بعدين دي قايمتي يا أستاذ
أيمن انتي بتعلي صوتك كمان طب يا فتحية هردك و كدا ميبقاش فية قائمة خدي العيال دي و اطلعوا بره عاوز العروسه تيجي على نضافة
فتحية خدت البنات پصدمة و خرجت و تمارة بصت ل أبوها بغل و قالت في نفسها أنا بكرهك بكرهك بكرهك و عمري في يوم ما هخليك تقرب مننا تاني
فتحية أخدت البنات و راحت البيت كان عبارة عن بيت من بيوت زمان من الطوب و الطين مكنش فيه غير كنبتين و الخشب بتاعهم بالي بمجرد ما تقعد عليهم هيقعوا
البيت مليان تراب و عنكبوت و فيران جوري و لينا مسكوا في بعض پخوف و تمارة حطت شنطتها و هي بتقول لا الصراحة يشكر أنه ادانا البيت نقعد فيه بدل الشارع
فتحية سكتت و مردتش و بدأت تنضف البيت و البنات بيساعدوها البيت أخد تلت تيام على ما نضف و كانوا بيناموا على الأرض حتي البطاطين مش بتدفي
لينا بابا دا وحش و أنا مش هحبه تاتي مشانا من البيت عشان يجيب اخونا ما كان قعده معانا وخلاص
تمارة بصت ليها و قالت بزعيق بابا بيكرهنا انتي فاهمة مبيحبناش مش عاوزنا
فتحية ضړبتها بالقلم و قالت إياك تقولي كلمة واحدة عن بابا تاني انتي فاهمة
تمارة سابتهم و قعدت في اوضة لوحدها
عدت الأيام و البنات انتظموا في دروسهم تاني و خاصة تمارة اللي في أولي ثانوي و في يوم و هي راجعة من الدرس عدت من على بيتهم القديم لقت عربية متزينة و زفة و أبوها ماسك في ايد واحده تانية
تمارة سابت صحابها و جريت وقفت قدامة و ..
تمارة سابت صحابها و جريت وقفت قدام أبوها و دمعة من عنيها نزلت
أيمن بصلها كتير و دور وشه ل عروستة اللي اضايقت من وجودها و زقتها باديها و قالت انتي جاية تبوظي عليا فرحتي يا بنت فتحية
غوري انقطع خلفك من الدنيا كلها
تمارة بصت ليها بتبريقة و بصت ل أبوها يقول حاجة دي بتدعي عليها قدامة و هو متهزش فيه شعرة
أيمن براحة يا دولي يا حبيبتي متتعصبيش انا عاوزك بصحتك النهاردة
علي بعد كام خطوه منهم كانت أم أشرف واقفة مع ام أيمن و بيتفرجوا
أم أشرف شوف الراجل الخسيس سايب الولية تبهدل و تدعي على البت و هو واقف مقلش تلت التلاتة كام دا بدل ما ياخدها قلمين و يقولها كله إلا بناتي رجالة آخر زمن
أم أيمن دا شكل البت جيباه على وشه يختي عاوز ينول الرضا شوفتي بيقولها اية متعصبيش نفسك خساره يبقي أب للبنات دي والله نسمة ولا حد بيسمع نفسهم
أم أشرف هنعمل اية يا أم أيمن محدش بياخد كل حاجه البنات بسم الله ما شاء الله قمرات يقولوا للقمر قوم و أنا أقعد مكانك بس حظهم زي الزفت و اللي جاي عليهم هو أبوهم دا بدل ما يطبطب عليهم و ياخدهم في حضنه لا يسيبهم للي يسوي و اللي ميسواش يمرمط فيهم
أم أيمن يلا ربنا يتولاهم برحمته
أم أشرف يا رب يختي يا رب لحسن دول غلابة و ملهمش إلا ربنا
دولت زعقت بصوت عالي و قالت انتي يا بت مبتفهميش مش بقولك امشي انتي ملكيش حاجة هنا
الموسيقي اللي كانت شغالة وقفت و الناس واقفة تتفرج
تمارة بصت ليها بقرف من فوق ل تحت و نقلت نظرها ل أبوها و قالت فعلا يا زين ما اخترت يا أستاذ أيمن شرشوحة بتكرشنا من بيتنا عشان شرشوحة زي دي
دولت هي مين دي اللي شرشوحة يا بنت فتحية دا انتي ناقصك رباية بقي
تمارة بقرف صح أصل أبويا كان بيرمر مع واحد زيك مكانش فاضي يربيني
أيمن اخرسي يا قليلة الأدب يظهر فعلا دولت معاها حق و إنك ناقصة رباية ولازم تتربي مهو أصل أمك مكنتش فالحة غير إنها تخلف بنات مكنتش فاضية تربيكم
تمارة وقفت قدام أوها و قالت بتحدي تؤ أمي ربتني كويس أوي بس أبويا مكنش فاضي لينا كان بيدور على اللي تجبلوا الواد أصل خلفة البنات بالنسبالة عار فراح جاب واحدة خريجة كباريهات يتجاوزها و ساب الست اللي وقفت جمبه من لما كان شحات
دولت ضړبت تمارة بالقلم و قالت لا دا انتي قليلة الأدب فعلا و مش لقيا حد يربيكي
تمارة بصتلها بتبريقة خلت دلوت تبلع ريقها بصعوبة و تتوتر
تمارة ضغضت على اديها جامد و قالت اعتذري احسنلك
دولت اعتذر لمين ليكي انتي يا بنت فتحية دا لو انطبقت السما على الأرض عمرها ما هتحصل
الناس بدأت تتكلم تتهامس بينهم على اللي هيحصل
دي بينها هتولع يا زميلي
هتولع بس يسطا دا كدا والعة تفتكر هتعمل ايه
مش عارف بس اللي متأكد منه إنها مش هتسكت
تمارة من صغرها مبتسكتش على حقها ولا عن حد بېهينها
خلينا نتفرج يسطا اكيد الخناقة دي هتسمع في المنطقة كلها لشهر قدام تخيل كدا التريند خناقة بليلة الزفاف
صور صور دا إحنا هنجيب ريتش عالي أوي
و هكذا هو حال الدنيا عزيزي القارئ تقف بعيدا و تنظر و عندما تشتعل الأحداث تخرج هادفك و تلتقط بعض الصور لتجميع ما يسمي بالريتش و الحصول على التريند
انعدمت الشهامة و الأخلاق
فبدل ما حد فيهم يدخل و يحاول يهدي الوضع كله واقف يتفرج و مستني يشوف الخناقة هترسي على اية ! و بعد ما تخلص الكل يجري عشان يشوف هيحكي لمين و يتفاخر أنه كان بيتفرج
يا خالتي ام سمارة الحقي
فتحية في اية يا
ورد
و فين تمارة مش كانت معاكي في الدرس
متابعة القراءة
