اسكربيت طلقني شكرا

_ انتي طالق
وحياة امك ! 
_ نعم !! قولي قولتي ايه سمعيني مسحت دموعها بدون مياخد باله 
مقولتش عن اذنك 
_ على فين ! 
هلم هدومي ايه عندك اعتراض ! سابته وطلعت أوضتها عشان تلم هدومها أول ما دخلت الأوضة اڼفجرت من العياط و كانت حاسة ان قلبها هيوقف من كتر الۏجع اللي هي حاسة بيه فتحت الدولاب بغل وهي جايبه آخرها و كانت بتقول بعصبية 

_ متقنعر ومتغندر على ايه بس نفسي أعرف يكونش مهند وأنا مش واخده بالي ! أي نعم هو مز وحليوة وعينيه حلوين وبسرح فيهم بس لا أنا وهو ملناش نصيب مع بعض انا وهو مختلفين جدا ولو كملنا في الطريق ده مش هنرتاح ولا أنا ولا هو أيوه القرار اللي أنا أخدته صح الصح بس هو حلوف مش معنى اني قولتله اني عايزه اطلق منه فوق السبعتلاف مره يقوم مكلم المأذون ومطلقني كده على طول طب على الأقل كان استنى شوية أنا أكيد مكنتش قصدي إني عايزه اطلق فعلا أنا كل مره لما بقوله يسيبني لوحدي لما أكون متضايقة بابقى عايزاه جنبي ومحتاجه انه يطبطب عليا بس اقول بقا مهو البعيد لوح ياخي منك لله الله أشوفك دايخ السبع دوخات و تحس بحسرتي وقهرتي يااااارب ايه ده ! هو انا كده خلاص بقيت مطلقه عااااا لالالالا هو اكيد بيهزر بيهزر اه طب .. طب افرض مكانش بيهزر و هو طلقني فعلا يخراب بيتك يا رودي يعني أنا مش هصحى كل يوم على صوته وهو بيقرأ قرآن ! أنا كنت بابقى مطمنه معاه أنا التزمت في الصلاة بسببه طب حتى كان راجع نفسه واستنى شوية قد ايه هو انسان متسرع فجأة قبل ما تكمل كلام لقيت ايد بتتلف حوالين دراعها وبتجذبها لورا جامد رودي شهقت بفزع لما لقيته في وشها قالها وهو جايب آخره
علي يشيخه حرام على أهلك أنا اللي متسرع ! يولية اتقي الله ده انتي كلمة طلقني بقيتي حافظاها أكتر من اسمك رودي كانت متنحه وسرحانه في عيونه اللي تهبل وأول ما فاقت قالتله
رودي انت هنا من امتا ! علي رفع حاجبه وقالها 
علي من لما كنت متقنعر ومتغندر لحد ما بقيت متسرع يا ملاك الرحمه ....... 
يتبع........
طلقني شكرا البارت الثاني 
رودي زقت علي بعيد عنها بسرعه وقالتله بعصبية 
رودي إنت إزاي تمسك ايدي كده ! حرام إحنا مطلقين قام علي بقا يقرب عليها خطوة وهي ترجع لورا خطوتين
علي لا ما أنا رديتك رودي رفعت حواجبها و قالتله 
رودي علي حبيبي انت أهبل ! هي الحكاية لعبة ! علي ضم حواجبه وقال 
علي انتي
قولتي ايه ! 
رودي نعم !! 
علي ق و ل