بقلم مشيرة محمد
المحتويات
إنفصام
مشيره محمد
فى عيادة دكتور هادى الممرضه دخلت تبلغه ان سلمى مشيت او ما فاقت
هادى وكأنه كان منتظر التصرف ده منها
دكتور هادى طييب روحى انتى وما تدخليش حد غير لما اقولك
اقعد على مكتبه وعمل اتصال
هادى مساء الخير يا دكتورنا
دكتور فتحى اهلا اهلا يا مساء النور يا دكتور عامل ايه
هادى بخير والله استنيتك تتصل بيا بس انت نسينا خالص
هادى كان الله فى العون المهم كنت عايزك بخصوص الحاله اللى كلمتني عنها
فتحى تقصد سلمى ماهر
هادى بالظبط
فتحى انت قولتلى انها جتلك اكتر من مره ومشيت من غير ماتقابلك
هادى حصل بس الظاهر فى سبب قوى خلاها تتراجع وتستنى وتقابلنى
هادى مش عارف يا فتحى لسه انا محتاج اتكلم معاها اكتر ولو انى بيتهيألى قدرت افهم كام نقطه مهمه بس انا كنت محتاج اتواصل مع حد من اهلها
فتحى انت مش عندك بياناتها
هادى عندى وهعمل ده قريب بس ده اذا رجعت تانى
فتحى افرض ما رجعتش
فتحى بتفهم عندك حق
هادى بتساؤل انت ايه اللى خلاك تفكر انها محتاجه علاج نفسى
فتحى بهزار ههههه شايفنى ببيع طماطم يا هادى
هادى ضحك واعتذر هههههه اسف ما اقصدش طبعا بس انت قولتلى انك عرفت ان مرضها مش عضوى وان اللى عندها اضطرابات نفسيه
هادى ياريت يا فتحى لو تعرف حاجه قولها انا محتاج اى معلومه عن سلمى لان واضح انها مش هتستجيب للعلاج بسهوله
فتحى هى جاتلى اول مره بتشتكى من صداع قوى ونوم كتير كشفت عليها كشف مبدأى وطلبت منها شويه تحاليل وقولتلها لو الامر استدعى هنعمل C T او M R
هادى والكشف المبدأى قال ايه
فتحى كويس جدا بس الغريب انها بتعانى من ارهاق شديد رغم انها مش بتشتغل ولا بتبذل اى مجهود
هادى وبعدين
فتحى اتفاجئت بيها تانى يوم عندى فى العيادة وكانت اخر حاله تقريبا
هادى وبعدين
فتحى دخلت وقعدت وطلعت روشته الادويه اللى كنت كاتبها ليها والتحاليل المطلوبه وهى بتقولى ادويتك دى مالهاش لازمه وكمان التحاليل دى تقدر تقولى انا اصرف فلوسى عليها ليه وانا زى الفل
فتحى قولتلها انتى بتشتكى من صداع وجتيلى علشان اعالجك بس انا ما اقدرش اغصبك طبعا لا تاخدى ادويه ولا تعملى تحاليل
وقبل ما ترد عليا جالها رساله على الموبيل
متابعة القراءة
